Shillong, Kyllalyngkot 23: Ka Leena Singha ba shong ba sah ha Pillangkata kala ujor sha ki pulit ba ki briew kiba ym lah ban tip kila prong jurbor ha iing sah jong ka bad kila tuh ia ka pisa kaba don T.2.7 lak tyngka bad ka ksair kaba la kot sha ka T.2.63 tynkga bad ki kot ki sla don kam.
Ha kawei pat ka jingjia u Silnam Ch Momin u la ujor sha ki pulit ba u la shah tuh ka bike jong u kaba don ia u number ML-05AD-9881 na ka jaka kaba u trei ha Ri Bhoi District ha ka shnong Umroi Umdohbyrthih.
U Bah Shalanstar Kharumnuid u la ujor ba u wei u briew ba la tip kyrteng kum u bah Testbor Thabah u la thied ka kali Mahindra Bolero jong u kaba don ia u number ML-05AF-7047 ha ka dor T. 5.55 lak tyngka kaba u la ai da ka Shek.
Haba la leit ban thep ia kane ka Shek kane ka Shel kala wan phai kylla bad la ong ba kam don pisa ha kane ka akkount bad ha dien bala wat la shem ba u la shah thok ha u tei u nongthied kali.
