New Delhi, Kyllalyngkot 24: Ka Election Commission jong ka Ri India la shai ka sngi kan rakhe ia ka National Voters’ Day kaba 16 la shai ka sngi ha nongbah Delhi, ka phang pdeng mynta u snem ka long “ Ka Ri India jong nga, ka Vote jong nga” bad ki nongshong shnong dei u klongsam ha ka synshar paidbah.
Ia kane ka jingrakhe ka President jong ka Ri India ka Droupadi Murmu kan sa long ka kongsan bad u myntri khynnah ba dei peit ia ki kam ain Arjun Ram Meghwal un long u sumbut kongsan bad ia ka jingleh burom yn lam khmat da u Chief Election Commissioner u Gyanesh Kumar, ha ka jingiadon lang ki ar ngut ki election Commissioners, Dr. Sukhbir Singh Sandhu u Dr. Vivek Joshi.
Ha kane ka jingialang ka President jong ka Ri India kan ai ia ki Electors Photo Identity Cards sha kito ki samla kiba dang shui oh EPIC nyngkong , kan don ruh ka jingpynkup burom ia kito kiba la trei borbah ha kaba ia dei bad ka jngpynshai paidbah haba ia dei bad ka election.
Ia kane ka jingrakhe ia ka National Voters Day yn pynlong ruh ha baroh ki jylla bad ki Union Territory bad ki District bad ki Block Level da ka jingiatreilang bad ka ophis jong ki Chief Electoral Office ha ka jylla bad yn sam ia ki dur thep vote sha kito kiba dang ioh EPIC nyngkong.
