Shillong, Kyllalyngkot 25: U Lamphang ka iing dorbar thawain ka jylla u Thomas A Sangma u la thaw thymmai ia ka Business Advisory Committee hapoh ka iing dorbar thawain ka jylla hapoh ka jinglong jong u kum u shnongknor kane ka committee.
Ki dkhot hapoh kane ka Business Advisory Committee kaba thymmai nalor u Lamphang ka iing dorbar ba long kum u shongknor kiwei ki dkhot ki long u Symbut myntri rangbah ka jylla u bah Prestone Tynsong, nongialam ka liang pyrshah u Dr. Mukul Sangma MLA, u bah Charles Pyngrope MLA nongbat shabuk ka liang pyrshah bad u bah Paul Lyngdoh MLA.
Ka kam jong ka BAC ka long ban ia shong pyrkhat kam ban ia bu sngi ia ki sngi shongdorbar ka iing dorbar thawain ka jylla, ka BAC kan sa shong shen ia ka jingialang namar ka dorbar mang tyngka ka jylla kan sa sdang ha ka 16/Rymphang/2026.
