Shillong, Kyllalyngkot 25: Ryngkat bad ka Election Commission jong ka Ri India, ha ka ri baroh kawei, ka jylla Meghalaya mynta ka sngi ka 25 Tarik kyllalyngkot 2026 kala rakhe ia ka National Voters Day kaba khat hynriew, dei ha kum kane ka sngi la thaw ia ka Election Commission jong ka Ri India.
Ha kane ka nongbah Shillong ka ophis jong u Chief Electoral Officer da ka jingiatreilang bad ka Lok Bhavan la pynlong ia ka jingia mareh ha kaba u Lat ka jylla Chandrashekhar H. Vijayashankar u la khaweh ia ka lama kum ka jingsdang ia ka jingiamareh.
Ka jingkhaweh ia ka lama ka long ha ki ar bynta na ka bynta, kaba nyngkong ka long na ka bynta kito kiba mareh ia ka 5 Km, 10 km bad jingkhaweh ia la lama ha ka bynta kaba ar ka dei na ka bynta kito kiba don jingduna ha ki dkhot met kiba la wan ban ia shim bynta ha kane ka jingiamareh, ia ka lama la khaweh na khyrdop jong ka Lok Bhavan ha kaba da ki spah ngut kila wan ban ia shim bynta ha kane jingiamareh.
U Chief Electoral officer u Dr. BDR Tiwari u ai khublei ia ki paidbah ka jylla ha kane ka sngi National Voters Day kaba khat hynriew bad ka phang pdeng jong mynta us nem ka long “Ka Ri India jong nga, Ka vote jong nga”, ia kane ka jingrakhe la pynlong ruh ha baroh ki district bad ki block, haba ia dei bad ka Special Intensive Revision ym pat ioh kano kano ka jingbthah na ka ECI.
Ka kong Prisca Pyngrope kaba la wan ban ia shimbynta ha kane ka jingiamareh kala pynpaw ia ka jingsngewnguh ia ka sorkar kaba la ailad ia ki ba don jingduna ha ki dkhot met ruh ba kin wan ban ia shim bynta ha kane ka jingiamareh bad ka kyntu ruh ia kiwei ba kin ia mih ban ia shim bynta lang haba don kum kine ki jingiamareh kiba ka sorkar ka pynlong ha kawei ka sngi phin sa long ki nongjop.
