Shillong Kyllalyngkot 29: u Myntri Rangbah ka jylla U Conrad K Sangma u la ai ia ka dorkhas ha u Myntri Rangbah Duh ka ri India U Narendra Modi ha ka jingiakynduh mynta ka sngi ha ka Nongbah Delhi ha kane ka dorkhas kaba la ai ka long ban pan ia ka jingkyrshan na ka sorkar pdeng ban kyntiew ia ka jylla ha ki kam pynroi shuwa u snem 2032.kane ka long ban pynpoi sha ka thong katkum ka jingangnud ban pynlong ia ka Ri India ka Viksit Bharat.
Ha kane ka jingiakynduh u Myntri rangbah ka jylla u la ai khublei ia u myntri Rangbah Duh jong ka Ri ha ka kyrteng jong ki paidbah ka jylla ban pynpaw ia ka jingsngewnguh ba u la ai khublei ia ka sngi kaba ka jylla ka ioh ia ka jylla kaba pura. Ka jingkhublei ka long ruh halor ka jingshim khia ka sorkar pdeng ban pynpoi ia ka jingbatai bniah ha kaba iadei bad ki jingkieng jri ka jylla ban pynioh ia ka jingithuh ha khmat ka pyrthei.
Ha kane ka jingiakren u myntri rangbah ka jylla u la pynsngew haba iadei bad ki kam pynroi, ka jingkiew ha ka ioh ka kot, bad ka jinglah ban nang kham pynbha shuh shuh ha kaba ia dei bad ka bor jabieng kaba dei kawei na ki dak ki shin kaba kren ha kaba iadei bad ka roi ka par. Ka jingkyrshan ia ki jaka shna pynmih bam kane ka long ka jingkyntiew ia ka ioh ka kot jong ki nongrep.
Ha kaba iadei bad ka jing kyntiew ia ka jing pynbha ia ka New Shillong City, la pynsngew ruh ha u Myntri Rangbah Duh ka ri India ia ka jingwan sha khmat ki riew paidbah ban kyntiew ia ki kam jngoh kai pyrthei, ka jingmih sha khmat ki paidbah nongshong shnong ban ia shim bynta ha kane ka kam kaba long ruh shi bynta ka jing pynkhreh ia ka National Game kaba 39th ka ban long ha u snem 2027 bad ka phang pdeng ka long ban pynneh ia ki riti ki dustur jomng ki riewlum.
Ha kane ka jingiakynduh kila ia kren kumno ban kyntiew ia ka jylla ha ka ioh ka kot khamtam ia ki jylla ha kane ka thain shatei lam mihngi kiba donkam ia ka jingiarap na ka sorkar pdeng ban pyntrei ia kino kino ki jingtrei bad la ia kren ruh ba kumno ban pynkiew shuh ia ki lad jingiarap kiba wan nabar ri bad kane kan iarap wat ia ka jylla Meghalaya ruh ban pynkhlain ia ka ioh ka kot.
