Shillong, Kyllalyngkot 29: U Superintendent ki pulit ba dei jong ka Anti Narcotic Task Force (ANTF) mynta ka sngi la pyntip ba la thang ia ki kynja dork baroh kiba la ioh kem na ki hynniew tylli ki district,East Khasi Hills, West Khasi Hills, South West Khasi Hills, Eastern West Khasi Hills, East Jaintia Hills, West Jaintia Hills bad North Garo Hills.
Ka jingthang ia ki kynja dork kiba la ioh kem la pyndep katkum ki kyndon kiba la buh ryngkat ka jingiada ia ka mariang, ia u drok Herion la thang 183.28 gms shongdor T. 34,83,678/- tynka, ki Yaba tablets 8.721 kgs shongdor T.1,48,39,500/- tyngka, Ganja 296.79 kilo shongdor T. 6,97,68,000/- tyngka, Kynja dawai ban dih 2793 bilor, shongdor T. 27,93,000/- bad R-7 tablets 534 tablets shong dor T. 2,13,600/- tyngka baroh kala kot sha ka T. 9,10,97,778/- tyngka.
Ia kine ki drok baroh la ioh ban kem ha ka kyndon jong ka ain NDPS na kitei ki hynniew tylli ki district kiba la kem da ki pulit, kane kam dei tang bat hang, hynrei ka khubor kaba la phah ka long ban pynlong ia ka imlang sah lang ban lait na kine ki jingdih buaid.
Ia kane la leh kum shibynta jong ka thong Drug Reduction, Elimination and Action Mission (DREAM), ka sorkar Meghalaya kaba la plie da u myntri rangbah ka jylla , kane ka long ka jingpynkynmaw ruh man bat hang ia ki drok ka pynkynmaw bala iarap ban ban pynlait ia ki khun samla na ki tyrsim jong kine kiba dih buaid.
