Shillong, Kyllalyngkot 30: Ryngkat bad ka ri baroh kawei ka jylla Meghalaya mynta ka sngi kala rakhe burom ia ki nongialeh laitluid kiba la aiti ia la ka jingim ban pynioh ia ka jinglaitluid ia ka ri bad ha kane ka sngi la rakhe ia ka sngi iap jong u Mahatma Gandhi.
Ha kane ka nongbah Shillong ia ka jingrakhe la lam khmat da u bah F R Kharkongor Principal Secretary da kaba buh syntiew ha khmat ka dur mot u Mahatma Gandhi kaba don ha phyllaw secretariat bad ha ka por 10.59 la pynpah ia ka sairen ban pynlong ia ka jingsngap jar kaba ar minit ha ka por 11.00 baje mynstep.
Kum shibynta jong ka jingleh burom ka All India Radio kala pynsangeh ia ka jingphah khubor jong ka ar bad ha ka por 11.02 minit la pynphah biang ia sainren ba pynkut ka jingsngapjar bad ia kane la leh ha baroh kawei ka ri ban burom ia kito kiba la aiti ia ka jingim ban pynioh ia ka jingalaitluid ka ri.
