Shillong, Rymphang 02: U Superintendent ki pulit ka East Khasi Hills District mynta ka sngi la pyntip ba naduh la shai ka sngi ka 3/1/2026 ki Bus ki trok kiba wan na thain hynniewmer ki hap ban iaid na sanmer haduh ka 18/1/2026, ban poi sha Shillong namar ba dang shna ia ka surok ha 101 area bad kane ka jingpynbbeit kali thymmai kan long naduh la shai ka 3/01/2026.
Kane kan long ruh kum juh ia ki Bus ki trok kiba mih na Shillong ban leit sha katei ka thain ki hap ban iaid na Shillong sha Laitkor Pomlakrai ban poi sha sanmer, kane ka long naduh 3/1/2026 haduh ka 18/1/2026 bad bad kin leit phai sha kitei ki thain.
Ki kali kiba wan na ki thaon Nongstoin, ia ki kali yn phah iaid na Mawmaram sha Lawmwei poi sha Umsaw surok bah Shillong Guwahati kane kan long ia ki kali kiba kit khia, kane kan long kum juh ia ki kali kiba kit khia kiba wan na Sohra, Pynursla na hynniewmer yn phah sha Mawmaram.
Katba ia ki bus ba kit ia ki khynnah skul pat yn sah ia ki ba kin leit kin wan ka ka surok MES bad la shah ia ki kali baroh ba kin iaid ha ka jingsted kaba tang 20 Km ha baroh shilynter jong ka bynta 101 area.
