Shillong, Rymphang 09: Mynta ka sngi u myntri rangbah ka jylla u Conrad K Sangma la pynbna ba ka sorkar kala rai ban thung ia ka “Judicial Inquiry Commission” ha ba ia dei bad ka jingiap jong ki briew ha krem dewiong ha Mynsngat-Thangsko ha East Jaintia Hills District.
Ia kane ka kynhun tohkit la thung hapoh jong ka ain “Commission Inquiry Act” kane ka long ban tohkit ia kaei kaba la jia ha ha Mynsngat-Thangsko ha East Jaintia Hills District ha kaba 27 ngut ki briew kila iap bad 9 ngut kila mynsaw ha krem dewiong kaba la suba dei na ka jingbethei dynamite.
Ban kdew ba kane ka jingbethei dynamite kala jia ha ka 5/2/2026 bad ha kane ka sngi la shem ba ki don haduh 18 ngut kiba iap bad 8 ngut kiba mynsaw, ha ka 6/2/2026 ka jingiap kala kiew sha ka 25 ngut bad 8 ngut kiba mynsaw bad ha ka 7/2/2026 ka jingiap kala kiew sha ka 27 ngut kiba mynsaw 9 ngut.
Haba ia dei bad kane ka jingjia na ka liang jong ki pulit ka East Jaintia Hills District kila kem ar ngut ki briew kiba la shah kynnoh ba ki dei ki trai jong katei ka par dewiong kaba la pyntih khlem da ioh jingbit kaba la shu tih beain.
