Shillong, Rymphang 19: Ka jingialang kaba 87 jong ka Brahmaputra Board kala long mynta ka sngi hapoh ka jingpyniaid jong u Dr. Ranbir Singh, Chairman, Brahmaputra Board ha Courtyard by Marriott Hotel, Shillong, Meghalaya.
Ha kane ka jingialang la iashim bynta da ki dkhot kiba kynthup ia ki heh ophisar na ka sorkar pdeng bad sorkar jylla jong baroh ki jylla ka thain shatei lammihngi kynthup ia ka West Bengal bad la pynleit jingmut ha kaba bishar bniah ia ki prokram kiba dang iaid shakhmat bad ban iakren ia ki sienjam ba kongsan kiba iadei bad ka jingpyniaid ia ki tyllong um, ka jingshlei um bad ka jingtwa khyndew bad ka jingpynkhlain ia ki jaka treikam ha ki jaka harud ka wah Brahmaputra bad ka wah Barak.
Ia ki rai ba la shim ha ka jingialang kaba 83 jong ka Standing Committee jong ka Brahmaputra Board kaba la long ha ka 30 tarik u Kyllalyngkot 2026 bad 7 tarik u Rymphang 2026, la mynjur bad ki jingtyrwa ia ka skhim ba ia dei bad ka jingpeit bniah ia ka jingtwa jong ki rud wah bad ka jingbuh hakhmat eh ia ki lad ban pynduna ia ki jingeh ha ki jaka haruh ka wah Brahmaputra.
Ka jingjurip ia ki bynta bapher bapher, ka Geodetic Survey bad jingtohkit na ka bynta ban sngewthuh ia ka rukom tuid ka um, Ka jingkhein ia ki Physiographic Parameter & ki longitudinal profile bapher bapher jong ka wah Jiadhal ha ka jylla Arunachal Pradesh.
Ka jingpynkhreh ia ka DPR na ka bynta ka jingweng ia ka ktieh na ka Baguwa Cherra na Satero Miar Howur sha ka Wah Manu jong ka Birchandra Nagar GP hapoh ka Chandipur RD Block bad Ka jingshna ia ka Sluice Gate ban pynbeit ia ka rukom tuid ka um na Satero Miar Howur sha ka Wah Manu.
Ka jingpynkhreh ia ka DPR na ka bynta ki lad ki lynti ban pynduna ia ka jingeh jong ka jingshlei um bad ka jingtwa ki rud wah ha 13 tylli ki jaka ba lah ban shah ktah jong ka wah Barak, Silchar , Assam, ka jingshna bad Pynthymmai ia ka pung ba don ha ka thain ha Inamung Pat, Imphal East District, Manipur.
Ka jingpynlong ia ki kam bad kiwei kiwei ki prokram hapoh ka Swacchata ha u snem mang tyngka 2026-27; Ka jingpyntreikam ia ka jingwad bniah na ka bynta ka jingpeit bniah ia ka dewlynnong Majuli na ka bynta ka jingpynkhreh ia ka DPR na ka bynta ki lad jingiada hapoh ki kam Phase- VI.
Ka jingpynthymmai ia ka Master Plan jong ka dewlynnong Majuli; ka jingkyntiew ia ka jinglong jingman ka wah Basistha kaba don marjan bad ka Brahmaputra Board Campus, Guwahati bad kiwei kiwei kidei kiba la ai jingmynjur ha ka jingialang.
Ka Board ka la mynjur ruh ia ka jingmang pisa ia ka jingkhein jingdiah ia ka mang tyngka bad ka mang tyngka na ka bynta shisnem jong ka Brahmaputra Board na ka bynta u snem 2026-27.
La pynlong ia ki jingpynshai halor ka jinglong jingman jong ka jingaiti ia ki projek ba la pyndep ba la pyntrei da ka Brahmaputra Board bad ka Standard Operating Procedure (SoP) na ka bynta ban pynkhreh ia ki Master plan na ka bynta ban bishar bniah da ki Dkhot.
La shim ruh ia ka rai ban kynthup ia lai tylli ki master plan kata – ka Dibang-Disang, ka Noa- Dihing bad ka Rangit Master Plan kiba khein kyllum ia ki master plan kiba la ithuh da ka Brahmaputra Board sha ka 76 tylli.
Ki dkhot na ki Sorkar Jylla ki la ïasam ïa ki kam ba la shim halor ki rai ba la shim ha ka jingïalang bishar bniah jong u Secretary DoWR, RD bad GR ha ka 12 tarik u Nohprah, 2025, bad ka jingleit jngoh ïa ka dewlynnong Majuli ha ka 10 tarik u Nohprah 2025. U dkhot na ki Sorkar Jylla u la ïakren ruh shaphang ki skhim ba la shim ha la ki jong ki jong ki jylla.
U Chairman u la pynpaw biang ia ka jingkut jingmut jong ka Brahmaputra Board ban kyrshan ia ki jylla ba don hajan ka wah na ka bynta ka jingpyniaid ia ki tyllong um kaba paka bad kaba neh ha kylleng ka thain. Ka jingialang ban wan jong ka Board (ka jingialang kaba 88) jong ka Brahmaputra Board kan long ha Guwahati.
