Shillong, Rymphang 14: Kum ka jingtip iala ka jong ka koit ka khiah bad ban tip ruh shaphang ka jingpang ba u briew u don hapoh ka met. Mynta ka sngi naka liang ka Ri Bhoi Tourism and Environment Development Forum haka jingialam jong u Bah Plielad Tiewsoh u ba dei u Chairman jong kane ka Forum haka jingiatreilang bad ka Sun Vally Hospital kaba don ha jylla Assam kala pynlong ia ka jingsumar ei.
Ia kane ka jingsumar ei la pynlong ha ing dorbar jong ka Nongpoh bad kaba dei ruh ka sien kaba nyngkong ba kane ka Forum kala pynlong iakane ka free check up jong u ne u snem 2026. Hakane ka sngi la wan ban ia shim bynta haka jingwan shim dawai kila don kumba 100 ngut tam kiba kynthup naduh ki riew tymmen ki khun samla kynthei bad shynrang.
Kiba la wan ban shim dawai na kane ka jingai jingsumar ei ki long kiba na Nongpoh bad nabar jong ka Nongpoh ruh kila ia wan kane ka jingwan jong ki ka long ban tip ha lade la ki don ne em ka ka jingshitom ha ka met ka jong ki.
U Doctor Sharma ha ka jingkren ka jong u, u la ong ba ka jingwan iashim bynta jong ki paidbah hakane ka jingsumar ei kala long kaba seisoh kum ka Hospital kaba don ka jing angnud ban trei bha naka bynta ki Paidbah halor ka jingkoit ka jingkhiah ka jong ki bad u don ruh ka jingkyrmen ba nangne sha khmat kin nang lah ban leit sha kiwei pat ki jaka jong ka District Ri Bhoi baroh kawei.
Kane ka long ban ai jingiarap lang ka Ri Bhoi Tourism and Environment Development Forum, u la ong ba bun naki nong phah phah sumar ki don laka jong ka jingpang bad naka liang ka jong ki ruh kila ai daki dawai dashin ban dih bad kiba khamjur ka jingpang ki ai daka jingthoh sha ki ban wan mih sha ka tei ka Hospital ka jong ki kaba don ha Assam.
