Shillong, Rymphang 15: Ka dorbar mang tyngka 2026-27 ka jylla Meghalaya kan sdang la shai ka sngi bad katkum ka riti synshar ka ri ba ia ka dorbar ba nyngkong jong u snem yn ai jingkren da u Lat ka jylla.
Katkum ki thymmei khubor kiba la ioh la sngewthuh ba kawei na ki mat jong ia kren ka ban kham khluid kan long halor ka jingjiap jong ki 32 ngut ki briew ha ka jingbthei dynamite ha Mynsyngat-Thangsko ha East Jaintia Hills District ha kaba 10 ngut kiwei ruh kila mynsaw.
Kawei pat ka bynta kaba ki paidbah ki ap khmih lynti kaei kaba ka sorkar wan rah hapoh ka iing dorbar ha kaba ia dei bad ka kaiphot kaba ai da ka Expert Committee sha ka sorkar, ha kaba u myntri rangbah ka jylla u Conrad K Sangma u la ong ba ka sorkar kan wan rah ha kane ka sien shong dorbar kaba mang tyngka.
Ka jingkren jong u Lat ban sa kren la shai ka sngi hapoh ka iing dorbar thawain ka jylla kan long ia kaei kaba ka sorkar ka don ban leh na ka bynta ka jylla ha kane ka snem mang tyngka mynta u snem 2026-2027.
