Shillong, Rymphang 16: U myntri ba dei peit ia ka tnad pule puthi u bah Lahkmen Rymbui ba dei ruh u MLA ka Amlarem ha ka 14/2/2026 u la leit ban jngoh ia ka shnong Kyrweng ha khappud Bangladesh kum u MLA katei ka jaka.
Ha kane ka jngleit la aiti ia ka kali ban kit ia ki khynnah skul ba Kyrweng sha Muktapu, la leh ia kane ka long ban pynsuk bad ban ai ka jingshngian ia ki khynnah ksul khatam ha ka por lyiur haba ka leit ka wan ka jynjar bha.
Haba kren ha kane ka jingaiti ia ka kali u la kyntu ia ka shnong ba kim dei ban pyndon kam bakla ia kane ka kali namar kane ka kali la mang tang ban pyndon kam ban kit ia ki khynnah ksul bad ka dorbar shnong kan shim ia ka jingkit khlieh ban peit ia ka kali bad ban shna haba duh.
Ha kane ka sngi la aiti ruh ia ka jingbthah ban trei kaba long T.5/- lak tyngka ban shna sa kawei ka kamra hapoh katei ka shnong Kyrweng LP Skul kane ka long ban pynbha shuh shuh ia ka skul bad shilak la ai ban shna ia ka painkhana kane ka long ban wan rah ia ka koit ka khiah.
Ha kane ka juh ka sngi la ai ruh ia ka jingbit ban trei sha ka Sankhat ban shna ia ka surok hapoh shnong bad ar lak tyngka la ai ban shna ia ka kynroh ha katei ka shnong.
Ha kawei pat ka jingialang ha shnong Khonglah la aiti ia ka kali Maruti Super Carry vehicle kane ka long ba pyndon kam ha kaba kit niut bad kane ka long ba ka shnong ka kwah ban pynlong ia ka shnong kaba khuid kaba shuba namar ka jingkhuid ka long kaba don kam bad kane kan wanrah ia ka koit ka khiah ia ki pateng ban wan.
