Shilong,Rymphang19: U Symbut Myntri Rangbah ka jylla u bah Prestone Tynsong haba jubab ia ka jingkylli ba la wanrah da u Rupert Momin haba ia dei bad ka jingshim jaka ban shna ia ka surok bah ha North,East,bad South Garo Hills District bad la siew ruh ia ka bai khyndew sha ki trai jaka.
Ha North Garo Hills ki trai jaka ki don 187 ngut bad ka pisa kaba la siew ka long T.43,90,69,924.52/-tyngka bad ha East Garo Hills ki don 2227 ki trai jaka bad ka pisa la siew T.225,13,52,897.31/-tyngka sha South Garo Hills kam pat don kano kano ka jingsiew.
Haba jubab ia ka jingkylli bynrap u myntri u la ia thuh hapoh ka iing dorbar ba ia ka jaka ban shna ia katei ka surok bah ka la long haduh 94% eiei bad ia kine ki jaka la dep ban aiti ban shna ia ka surok u la ong ba lehse kita ki trai bym pat ioh ia ka bai jaka ki lah ban hap ha kata kaba ka sorkar kam pat shim ia ki jaka jong ki ne lehse ka don hapdeng ka jingiakajia.
Haba phai tang sha North Garo HiHhIhHills ki don 4 tylli ki jaka kiba ka sorkar kam pat siew ka daw ka long ba lai tylli ki don ha ka jingbishar Arbitrator bad kawei ka don ka jing ia kam markylliang ia ka jaka na ka liang ka sorkar ia kito ki bym pdiang ia ka dor ba la buh da ka Deputy Commissioner kka an siew kat kum ka dor ba rai ka Arbitrator.
Haba jubab pat ia kawei ka jingkylli bynrap wat la kam don ka jingiadei bad ka jingkyli u symbut myntri rangbah u la ong ba ka jingshna ia ka surok Shillong Western bypass la dep ban shim ia ki jaka haduh 97% bad kaba dang sah mynta ka long tang 3% lehse kita ki jaka kiba don hapdeng ka kynrum kynram ki lah ban dei ha ka ka 3% la kyntu ba lada don kano kano ka jingbymhun ka sorkar ka la buh Arbitrator ba kin ujor bad ban ia pynbeit ia kano kano ka jingeh bad ka sorkar kan pdiang ia ka rai kaba mih nangta.
