Shillong, Rymphang 19: Ka Wah Umtham kaba don ha Ri-Bhoi District ka dei kawei na ki wah kaba la jied na ka bynta ban pynlong ia ki tamasa jingialehkai mareh Slalom bapher bapher kum ka kinglieng ha kane ka wah .
U Myntri Rangbah ka jylla Meghalaya ula pan pisa shuh na ka iing dorbar na ka bynta ban thied ia katei ka jaka sa T.10,00,00,000/- Tyngka, ha Umtham ba la pyndonkam ha ka National Game 2025.
Ha kane ka jingiakop kinglieng kila don ki samla na ka jylla Meghalaya kiba la ia shim bynta ha kane ka jingialehkai bad ki la wanrah ruh ia ka burom ia ka jylla ha kaba kila ioh ia ki khusnam ha ka Takma Ksiar, Takma Rupa bad Takma Rynnong ha katei ka jingiakop kinglieng.
Ka Ri-Bhoi District kala paw ha ka jingialehkai kinglieng bad ha kane ka jaka la ju pynlong ki jingiakop kinglieng bad jingai jinghikai ban kinglieng da ki kynhun bapher bapher kum ka Indian Kayaking bad ka Canoeing Association ryngkat bad ka Asian Canoe Associations.
Bad la pynskhem da ki nongmihkhmat jong ka Indian Kayaking bad ka Canoeing Association ryngkat bad ka Asian Canoe Associations kumta ka Wah Umtham ka don ia ka lad ka lynti ba lah ban pynlong ia ka jingiakop kinglieng ha wah ha ka jingialehkai baheh jong ka pyrthei.
