Shillong, Rymphang 19: U Bah Powel Sohklet Executive Member ha KHADC ha ba jubab ia ka jingkylli kaba la wan rah da u bah Ricky Shullai u la ong ba ki dorbar shnong ki don kam ban ioh ia ka jingmynjur na ka district konsil katkum ka KHADC Land Act da ki mut ban aiti sha ka sorkar ne kano kano ka tnad trei kam.
Katkum ka Land Act jong ka KHADC ki shnong kim lah ban aiti ia kano kano ka jaka sha ki tnad sorkar khlem ka jingmynjur na ka KHADC, bad la ong ba kila don ki jingujor ki bymbud ryntih ia ka ain bad ki don ki shnong kiba ai ia ki jaka raid khlem da ioh ia ka jingbit na ka KHADC.
Haba ia dei bad kane ka jingleh kam shym la don kano kano ka kyndon ba kumno ynleh ia kiba ai jaka khlem da ioh ia ka jingbit na ka district konsil bad kane ka dei ka jingbym niew kor ia ain,la ong u bah Powel EM ba dei peit ia ka tnad kam khyndew ha KHADC.
