Shillong,Rymphang 20: u Myntri Rangbah ka jylla u Conrad K.Sangma mynta ka sngi haba kren sngewlem hapoh ka iing dorbar halor ka jingkhlad syndet u MP ka 1- Shillong (ST) Parliament Constituency u Dr. Ricky A J Syngkon ka sorkar kala shim ia ka rai ba lashai ka sngi kan dei ka sngi shuti ha lum Khasi bad Jaintia kum ka jingburom ia u MP.
U Myntri Rangbah u la ong lashai ka sngi kaba dei ka sngi saitjain kaba ki ophis sorkar ki hap ban plie kum ka jingburia ia ki sngi trei ba la ai shuti hynrei ban ailad ia ki paidbah ba kin leit ban ia shim bynta ha ka jingpyndonburom khatduh ia u MP lashai ka sngi kumta ka sorkar ka la shim ia ka rai ba lashai ka sngi kan dei noh ka sngi shuti.
U Myntri Rangbah u la ong ba ka dei ka jingduh kaba khraw ia ka jylla na kane ka jingkhlad kyndit u Dr. Ricky u MP ym tang ia ka 1- Shillong (ST) Parliament Constituency hynrei u dei ruh u MP jong ka jylla baroh kawei kumta u phah ia ka khubor sngewlem sha ki bahaiing ha sem halor kane ka jingduh bad ai u Nongbuh Nongthaw un pyntngen ia ka iing ka sem hi baroh kawei bad kyrpang eh un ioh ia ka jingjahthait bymjukut.
