Shillong, Rymphang 21: Ban burom ia u MP ka 1-Shillong (ST) Parliamentary Constituency Dr. Ricky A J Syngkong ha kane ka sngi leh burom kaba khatduh ha Nongsder ki bor pyniaid ia ka Khyndailad bad Jail Road la kyntu ia ki nongshong dukan baroh ba kin khang ia ki dukan mynta ka 21 Rymphang 2026 ban pynpaw ia ka jingsngewsih halor kane ka jingkhlad syndet kaba khlem poi pyrkhat.
Haba kren ha bad katto katne kiba shong dukan ha Khyndailad kila pynsngew ba kila khang ia ki dukan ban burom ia u MP ha kane ka sngi leit on tep ban leh burom khatduh da kaba ki khang ia ki dukan mynta shisngi bad ia kane la ioh ia ka jingkyrpad na ki bor pyniaid shnong.
Ki dukan hapoh jong ka MUDA ruh ki khanglut mynta ka sngi lait noh tang ka iew die madan ba ki plie bad ki paidbah nongleit nongwan ruh ki ia leit ban iaid sha kane ka iew ban thied ia ki jingdon kam ka jong ki na kane ka iew.
Ki dukan kiba khang ki long ha ki bynta jong ka Ketting Road, Jail Road bad ka Khyndailad bad ka jingkhang ka long da ka mon sngewbha ban burom ia u MP bala khlad noh ia kaba la leh pyndon burom khat duh mynta ka sngi.
