Shillong, Rymphang 24: Ki pulit Anti-Narcotics Task Force mar ia ioh ia ka jingtip ba la suba don ki nongkhaii drok ha Lower Rynjah, ki la leit bran bran sha katei ka jaka bad kila khynra ia ka iing jong u Rahul Chhetri bad ha kane ka jingkhynra la ioh kurup 237 gram u drok Heroin.
Ha kane ka jingleit khynra u Rahul Chhetri u la ioh ban phet da ka kali Maruti Ertiga kaba don ia u registration number ML-10B-5347, ha ka juh ka por la ioh ban kem ar ngut ki briew na katei ka jaka.
Ha kane ka jingkhynra kila ioh ban kurup 2060 tylli ki kuli Nitrazepam bad ka dor kala kot sha ka T. 8,24,000 tyngka ha ka iew die beain, laioh kurup 23 ki synduk sabon ba la the pia u drok Heroin bad ka jingkhia kala kot sha ka 237 gram bad ka dor kala kot sha ka T.47,40,000/- tyngka,na katei ka iing la ioh ruh ban kurup ka pisa T. 27,300/- Â tyngka.
Ki pulit ki suba jur ba u dei u ba don kti ban khaii drok na kawei ka jylla sha kawei pat ka jylla ka kynhun ANTF ki dang tohkit ia kane ban lap shuh ia kiba don kti, ha ka juh ka por la kyrpad ia ki paidbah ba la don jingtip sha ei u don u Rahul Chhetri bad lada ioh ban kem yn ai khusnam.
