Shillong, Rymphang 24: U Myntri Rangbah ka jylla u Conrad K. Sangma haba jubad ia ka jingkylli ba la wanrah da ka Dr. Mehtab Chandee A. Sangma la ong ba ka sorkar kan seng ia ka College of Veterinary Science and Animal Husbandary bad ka jing pynkhreh kaba bniah ban shna ia ka kollej ka dang iaid sha khmat.
Haba jubad ia ka jingkylli bynrap la iathuh ba dei ha u snem 2022 ka kabinet ka la shim ia ka rai ban buh ia ka jaka pule haba ia dei bad ki jingri jingdup “College for Veterinary, College for Fisheries College for Diary” kine ki dei ki 3 tylli ki kollej.
U la ong ba ka sorkar ka don 800 Akar ka jaka ha Kyrdemkulai ia kine ki kollej yn buh ha kitei ki jaka katkum ka jing pynkhreh ka jinglut kan long T. 334/- klur bad ki shnat pule kin don 19 tylli ha kine ki jaka pule kiba ka sorkar kan sa buh bad donkam ruh ban don nonghikai.
Ha kajuh ka por u myntri rangbah u mynjur ba ka don shisha ka jingduna jong ki nongtrei ha ka tnad ri jingri haba iadei bad kane ka sorkar ka la shim ia ki lad ki lynti ba kumno ban thung ia ki nongtrei ha ki kam kiba thylli ka sorkar kan ialeh ban pynkloi lang ban pyndap ia ki kam kiba dang lait.
