Shillong, Rymphang 26: U bah Prestone Tynsong symbud myntri rangbah ba dei peit ia ka tnad kam poh iing haba jubab ia ka jingkylli ba la wanrah da u bah Ardent Miller Basaiawmoit la ong ki pulit ki dei ban don3,486 ngut,ha ki police station dei ban don 1,843, Police Out post 503, Pulit pyniaid kali 439, Tnad Syntiat 121, Ka Tnad Pulit ba kyrpang 580 ngut.
Hynrei ka jingdon jong ki pulit ha baroh ki kynhun bapher bapher ki long 2,832 ngut ha Police Station ki don143, Police Out Post 380, Tnad Pyniaid kali 368, Tnad Syntiat 107, Kynhun Pulit Bakyrpang 546 ngut. Ha Police Reserve kam don kata ka jingbhah kyrpang namar la shim ia ki pulit na ka District Executive Force bad baroh 12 tylli ki District ki pulit ki don 859 ngut.
Haba jubad ia ka jingkylli bynrap u myntri kam poh iing u la ong ba katkum ka jingbuh kyndon Police Research Development Organisation dei ban don197 ngut ki pulit ban peit na ka bynta ki 1 Lak ngut ki paidbah nongshong shnong bad ka jylla Meghalaya kala bud ia kane ka jingbuh kyndon.
La iathuh hapoh iing dorbar ba haduh mynta ka jylla ka don 86 tylli ki Police Station, la iathuh hapoh ka iing dorbar ba la pynbna ia ka result thung kam hapoh ka tnad pulit ha kaba 3000 ngut ki samla kin sa ioh ia ki shithi thung kam ha kine ki sngi da ka jingthung thymmai yn sa lah ban pynbiang ia ka jingduna ki pulit hynrei haduh mynta ka sngi ki dang don ki kam kiba lait thymmai sa 1000 tylli ia kaba ka sorkar kan sa khot aplikashon thymmai.
U Myntri kam poh iing u la pyntip hapoh ka iing dorbar ba ka sorkar kala shim ia ka Policy kaba thymmai ba nangne sha khmat haba ka pynbna ban thaw thymmai ia ki Police Station ka sorkar kan ai ryngkat ruh ia ka jingdonkam ban don lypa ki pulit, namar ha kine ki por ba la dep la shna shwa ia ki Police Station katba ki pulit ban trei pat ym don dei na kane ka daw ba ka sorkar ka kwah ban don lang ruh ia ki pulit ha ka por ba shna Police Station thymmai.
