Shillong, Rymphang 26: U Myntri Rangbah ka jylla u Conrad K.Sangma haba jubad ia ka jingkylli jong u Dr.Mizanur Kazi haba dei bad ka ioh kam ioh jam ki samla u myntri rangbah ka jylla u la ong ba ka sorkar kala shim ia bun ki lad ki lynti ban ialeh kumno ban pynioh kam ioh jam ia ki samla nalor ki kam sorkar.
U Myntri Rangbah u la iathuh ba kiwei ki lad ai kam ki long kum ka Focus, Focus+ CM Farm+, CM Assure,CM-Elevate (12 Sub Schemes), Prime, Lakadong Mission, Ginger Mission, Floriculture Misssion, Mushroom Mission, State Organic Mission, piggery Mission, Milk Mission, Chief Minister’s Grassroots Music Programme (CM-GMP),Hello Meghalaya, Skill Meghalaya, CM Homestay Mission, DDU-GKY, National Rural Livelihood Mission (NRLM), PMEGP, Raising and Accelerating MSME Performance (RAMP), PM Vishwakarma Scheme.
Haba jubad ia ki jingkylli bynrap ka jingdon ki samla kiba khlem pat ioh kam u myntri rangbah ka jylla u la ong ba ki don ar tylli ki kynhun ka sorkar pdeng kiba leh ia ka Jingwad bniah, ka Periodic Labour Force Survey na ka bynta u snem 2021-2022 kiba khlem kam ki don 2.2 % bad 2022-2023 ki don 2.3%.
Hynrei katkum ka jingkhein kaba la leh da ka Centre for Monitoring Indian Economy ka kdew ba katkum ka jingkhein jong kane na ka bynta u snem 2021-2022 ka jingdon ki bym don kam ka long 2.6 % bad na ka bynta u snem 2023 ki don 3.1%, kane ka jingkyrduh kam kam dei tang ha Meghalaya hynrei ka long ha ka ri India hi baroh kawei.
U Myntri Rangbah u la ong ba dei na ki lad ki lynti kiba ka sorkar kala shim ba sa lah ban teh lakam ia ka jingkyrduh kam, u la ong ba ki khun samla kiba la kot ia ka rta 20 snem shaneng ki don 18 lak ngut eiei kaba mut 50% na ki nongshong shnong ki dei ki samla dei hangne ba ka sorkar ka nang hap ban leh shibun ki kam ba kin long ki lad ioh kam ioh jam ia ki khun samla.
