Shillong, Rymphang 26: Mynta ka sngi u High Commissioner ka Ri Bangladesh sha India u M. Riaz Hamidullah ia kynduh ia u Lamphang ka iing dorbar thawain ka jylla Meghalaya u Thomas A Sangma ha ophis treikam.
Ha kane ka jingiakynduh kila ia kren da ka jingiasngewthuh ban ia burom mar kylliang bad kane ka jingiadei ha pdeng ka jylla Meghalaya bad ka Bangladesh kan dang iaid bteng nangne sha khmat.
Ha kane ka jingiakynduh kala don ruh ka jingai mar kylliang ia ki kot kaba kren ia ka jinglong tynrai ki trai shnong na kane ka jylla kum ka jingiaburom mar kylliang, ha kane ka jingiakynduh la don lang u Deputy Speaker u Limison D. Sangma u Secretary ka Assembly u Malthus S. Sangma, nongai buid Legislation u Dr. Andrew Simons bad ki ophisar.
Ha kane ka jingwan jong u High Commissioner ka ri Bangladesh sha Meghalaya ka long ha dien ba la ioh ia ka sorkar kaba thymmai ha Bangladesh bad ha kane ka jingwan la synranglang ia u da u Zikrul Hasan Fahad, Assistant High Commissioner ba dei u Head of Mission ha Guwahati.
