Shillong, Lber 03: Ka Khasi Students’ Union North Khasi Hills Eastern Border Area mynta ka 2 tarik Lber 2026 hadien ba kala ioh ia ka jingujor na ki paitbah ba la don u uwei u bar jylla u ba kam ia lade kum u dok tor uba la tip kyrteng kum u Syed Nazir shah bad u buh ruh ia ka dukan sumar briew ba khlem don ki signboard bad ki kot ki sla ki bym biang ha ka shnong Umraling kaba hap hapoh ka Mawlasnai Police Outpost.
Ka seng tang shu ioh jingtip ka la leit mardor ha katei ka shnong Umraling hapoh ka jingialam Jong u samla Banjop Maring president KSU Eastern Border Area bad ki dkhot bad kila lap shisha ba don u bar jylla u ba kam ialade kum u Doktor bad u buh ruh la ka dukan sumar briew.
Ha katei ka jaka sumar briew u ai injection bad ki drip ia ki paidbah kiba wan shim dawai ha katei ka jaka,bad katei ka jaka sumar briew ka long kaba isaitmet ban peit ha kaba ka kamra sumar bad ka jaka shet ka long ha kajuh ka kamra bad kaba jakhlia haduh katta katta.
Kaba sngew lyngngoh ka dei ba wat ia ki thyrnia injection kiba la dep ban pyndonkam u buh ha kajuh ka kamra bad lada kylli ia u shaei u bret ia ki thyrnia u jubab ba u ai ia ki nongtam tin jot.
Kumta na ka liang ka seng kala beh mardor ia utei u bar jylla u ba kam ia lade kum u Doktor bad ban aiti noh ia u ne bar jylla sha ka thanad jong ka Mawlasnai outpost.
Ka seng ka kyntu ruh ia ki shnong bad ki nongialam shnong bapher bapher ba kin nym dei ban ailad ia kum kine ki jaitbriew khamtam ha kaba iadei bad ka im ka iap Jong ka jaitbynriew.
