Shillong, Lber 6: U Subir Marak u MLA ka Rangsakona konstituency u la plie paidbah ia ka skul thymmai bad ka Digital Library ha Damalgre L.P. School, bad la pynlong ia kane ka prokram ha ka 5 Lber 2026.
U MLA haba kren kum u kongsan haba plie ia kane ka skul bathymmai ha Damalgre L.P. School kaba hap ha South West Garo Hills district jong ka Block Development Officer ka Rerapara C&RD Block.
U Kongsan ula ong ba lyngba kane ka jingpyntreikam thymmai ka sorkar kan wan rah ia ka jingbha bad ka jingkylla ha ka liang ka jingpule ia ki khynnah kiba hap ha ki thain nongkyndong.
U Shri Raymond Z. D. Shira, MCS, Project Director ka DRDA bad ka Additional Deputy Commissioner ka South West Garo Hills ula ong ba donkam kiba dei ha ka liang ka pule puthi na ka bynta ka lawei ba phyrnai ia ki khynnah, ban pynbha ia ki jingtei ryngkat bad ka jingtreilang ki nongshong shnong.
Bad ka District School Education Officer (DSEO), Ampati, ka ai khublei ia ki nonghikai bad ki nongshong shnong katei ka thain, bad lyngba ka jingsnoh kti lang bad ka jingtreishitom jong ki la ioh ban pynlong ia kane ka prokram da ka jingjop.
U Cheman D Shira MCS ki pdiang sngewbha ia ka jingdon ryngkat ki nonghikai, ki khynnah skul bad ia ki nongshong shnong ha katei ka sngi bad la pynitynnad shuh shuh ia kane ka prokram da ka jingrwai na ki khynnah skul ka Damalgre L.P. School.
