Shillong, Lber 10: Mynta u snem la rakhe ia ka sngi burom jong ki kynthei ha ki bynta bapher bapher jong ka jylla ha kaba ki irew kynthei kila wan ban ia shim bynta ha kane ka sngi ia kaba la pynlong ha ka 9/Lber/2026 daki kynhun bapher bapher ban kynmaw burom ia kane International Women Day.
Ha nongbah Shillong ia ka jingrakhe la pynlong ha iing jong u Lat ka jyll ha Lok Bhavan ban rakhe ia ka jingdap 11 snem ia ka jingpyntrei kam ia ka skhim Beti Bachao Beti Padhao, ia kane ka pyniaid da ka tnad Social Welfare Department ka sorkar jylla bad la iatreilang lem kiwei ki tnad sorkar.
Ha ka jingkren jong u Lat ka jylla u C. H. Vijayashankar la ong ba ka sorkar kaba la ialam da u myntri rangbah duh ka Ri India u Narendra Modi u la pyntrei kam ia ka skhim Beti Bachao Beti Padhao kane ka long ban kyntiew ia ki kynthei ha ka pule puthi.
La ong ba ha ka iing dorbar thawain ka jylla kaba don 60 ngut ki kynthei ki don lai ngut bad u kyrmen ba ynda la pyntrei kam ia ka jingmang bha 33% ia ki kynthei kan sa kyntiew ia ka jingdon ki nongmihkhmat ha ka iing dorbar thawain ka jylla.
Ha kane ka sngi la don lang u bah Paul Lyngdoh MLA ba dei nongai buid ka sorkar jylla, ka kong Santa Mary Shylla shongknor ka MHHDC, ha kane ka sngi la sam ruh ia ki tiar ai jingsumar sha ki ICDS kiba don ha ki jaka sorkar, ha kane ka sngi la pynkup burom ruh ia ki riew kynthei.
Ha Garo Hills ia kane ka sngi burom la pynlong ha Zikzak Block jong ka South West Garo Hills District ha kaba ka T.K. Marak MCS kaba dei BDO bad ha ka jingkren jong ka kala kdew ka kamram jong ki kynthei kum ka kmie, ha kane ka sngi ki long kiba la wan ban ia shim bynta ki long kumba 200 ngut ei ei.
