Shillong, Lber 18: U myntri ba dei peit ia ka tnad pathai khubor u bah Lahkmen Rymbu mynta ka sngi u la pynbna ka sorkar Meghalaya da ka jingkyrshan ka sorkar pdeng kan pynlong ia ka tamasa ban pyni iaki phlim ha ka sien kaba nyngjong ha Meghalaya ka ban pyniaid da ka tnad Directorate of Information bad Public Relation.
Ia kane ka tamasa “Shillong Film Festival 2026” kaba lai sngi kan sdang ha ka 25 bad kan kut ha ka 27/Lber/2026, ha kane ka tamsa ki don ki nongpynmih phlim kiba la wan na Shabar jong ka ri, kiba napoh ka ri na Northeast, ia kane ka jingpyni ia ki phlim kan long ka State Convention Centre Shillong.
Kumba ka long mynta ka jylla Meghalaya ka don ia ka riti dustur kaba kyrpang bad ki jaka jngohkai pyrthei bad kane kan long ka lad ia ki briew kiba wan na kiwei ki ri jong ka pyrthei bad lada ki don kam ban wanring phlim bad kane kan long ka kabu ia ki samla ka jylla ba kin ia kynduh bad ki director na kiwei ki ri jong ka pyrthei.
U myntri u la ong ba ka jylla Meghalaya kam dei kaba dang thymmai ha ki kam pynmih phlim, kala don ka phlim “Ka Ri ki Laiphew Syiem” ka phlim Manik Raitong bad bud sha kiba bun ki phlim kiba la mih na kane ka jylla ha ki ktien kibapher bapher.
U myntri u la pynkynmaw ba u myntri rangbah ka jylla u la plie kalad ia kiba pynmih phlim na ka liang ka sorkar ka pynshlur bad kane ka dei ka kabu ban ia shimbynta bad kumba ka long ka phlim jong u bah Kurbah ha Lyngkha Bneng kala ioh ia ka khusnem.
