Shillong, Lber 22: Ki bus jong ka sorkar kiba la tip kum ki kali saw kiba la ai wai sha ki kynhun ban pyniaid ia ki kila kylla mar nongra ha ki jaka buh ha klylleng ki jaka jong kane ka sor Shillong.
Ia kine ki bus saw la shem ba bun la buh ha ki jaka bapher bapher kane ka sor Shillong ha kaba ki lat jot rynthai, kawei kaba don ha Hynniewmer, ha jaka jaka hiar helicopter ki shipai suin ia kiba la set ha kane ka jaka bun tylli kiba la jot.
Kiwei kiba la set ki long ha Mawblei, Mawpat, Mawlai Mawkynroh, ha Mawiongrim bad ha Langkyrdieng kine ki kali kiba bun wat ki tiar kali la shah loit shah law ha ki briew kiba ym lah ban tip, ka tnad pynroi sor ia kine ki bus kala aiti sha ki kynhun ban pyniaid.
Ki bus saw kiba dang iaid ban kamai mynta ki don sha tang khyndait tylli, kine ki bus ki dei kiba la aida da ka sorkar pdeng sha ki jylla bad ka jylla Meghalaya ruh kala ioh ia kine ki bus lyngba ka skhim JNNURM.
