Shillong, Lber 23: Ka jingiakynduhlang ka Synjuk Seng Rangbah Katholik jong ka sone kaba hynriew bad kane ka jingiakynduh lang ka dei kaba Khyndai kaba hap hapoh ka Shillong Archdiocese kaba la sdang ha ka sngi Saitjian 21/3/2026 bad la pynkut ha ka sngi u blei 22/3/2026 kaba la pynlong ha shnong Umrang Nongbah kaba hap haka Lumsinai Parish Umden.
Ha kine ki ar sngi ki riew rangbah na ki hynriew tylli ki parish kiba hap hapoh jong ka sone kaba hynriew, ha kine ki ar sngi kila don ki jingiamir jingmut ha kaba ia dei bad ki kam balang bad ha ka sngi u blei la pynkut da ka jinglehniam ka mass ba khuid.
Iaka mass bakhuid la pyndem ia ka jinglehniam da u Sohblei u phadar Bernand Pala haka jingiadonlang u kpa mynsiem ka Synjuk Seng Rangbah Katholik jong ka sone kaba hynriew phadar Johnpual Syiemsad u Parish Priest ka Lumsinai Parish Umden ha ka jingiadon lang kiwei kiwei ki Lyngdoh, ki Sister bad ki nongkit kam balang.
Kaba kham shongkun shong blei Hakane ka sngi la don kumba 90 ngut ki khynnah pdiang iaka kommunions ba khuid ha ka sien kaba nyngkong jong ka Lumsinai Parish Umden. Bad naka liang ki khynnah pdiang communion kila ai ruh daka sur jingrwai kaba pynhun mynsiem kaba la rwai daka kyntien kaba ong “Khublei Shibun Jisu”.
Ha kane ka sngi u sohblei u phadar Bernand Pala u la krens sha ki paid khristan iaki Lai tylli ki mat sha ki paid jong u blei ba kin long kiba dwai man laka por bad ban iakren bad u blei bad ba ngin pyni ba ki ieid ia u Blei bad ban long kiba iaid beit, ka akor ka burom bad ngi donkam ban sngewlem iaki wei bad ban ieid iakiwei kumba u Jisu u la hikai iangi ban ia ieid iaki para majan marpa.
Ha ka noh phai sngi la pynbut sah ka jing iaiaid Proseshhon Iucharist hakaba la shim bynta shitrhem daki balang shnong bapher bapher kiba don ha Lumsinai parish Umden bad kiwei ki Parish kiba hap hapoh ka Zone VI.
