Shillong, Lber 26: Ha ka jan iet jong ka 24/3/2026 ka eriong kala khi khyllep ha khappud bad ka Bangladesh ha ki bynta jong ka shnong Rajai bad ki shnong ba mar jan bad ha ka jinglynshop ka mariang 15 tylli ki iing kila shah pynjot.
Nalor ka shnong Rajai ki ar tylli ki shnong kiba la shah ktah ki long ka shnong Chintusora bad ka Tillagao, ka jingjulor kam dei tang ia ki iing ki sem hynrei ki jaka rep kwai ha kaba ka lyer kala kdiah ia ki diengkwai.
Kine baroh lai tylli ki shnong ki hap hapoh ka jingpeit jong ka Ranikor Block kaba hap hapoh jong ka South West Khasi Hills District, ha kane ka jinglynshop ka mariang la ong ba kila don kiba mynsaw malu mala.
Na ka liang jong ki nongshong shnong ki kwah ban iohi ba ki briew sorkar kan wan ban jurip ia kane ka jingshah pynjop ha ka mariang bad ba kin ai ia ki jingiarap namar bun ki iing kila shah pynjulor ha ka jingrat ka lyer.
