Shillong, Lber 27: Hadien ka jinglap jong ka Seng HANM na Ri Bhoi District ba don ka jingplie iaka Wine Store beain myn haka 22tarik mynta u Bnai 2026 kaba dei ruh ka Sngi u Blei hapoh 13Mer Byrnihat ha Ri Bhoi District.
Ki Nongialam jong ka Seng HANM napoh Ri Bhoi haka jingialam jong u Assistant Secretary ka HANM u Bah Richard Lyngdoh bad u Finance Secretary u Bah Khrawpyrkhat Thongni lem bad ki dkhot ka seng HANM kila leit ban ia kynduh ia u Bah RC Lyngdoh u ba dei u Superintendent Excise jong ka Ri Bhoi District.
Kane ka jingkynnduh ka long ban pynsngew sha u halor ka jingdon ki dukan die kyiad beain kiba la plie haka sngi U Blei ruh ba ka dei ka sngi Khang dukan kyiad bad ki bym shem la burom iaka ain jong ka Sorkar Jylla. Bad haka juh ka por naka liang ka Seng kala ai ruh daka Dorkhas sha u Superintendent Excise.
Haba ai jingkren naka liang u Bah Khrawpyrkhat Thongni u la ong ba kum ka Seng kan nym lah ban pdiang dalei dalei ruh iaka jingleh jong u tei u bar jylla u ba dei trai jong ka tei ka Wine Store kaba um shem la burom iaka ain jong ka Sorkar Jylla kaba dei ban khang haka sngi u Blei.
La ong ba naka liang ka Seng kan sahi leit mih shapoh ka Office jong ka District Council ban pynduh noh iaka License jong u tei u bar jylla bad u la bynrap ruh daka ba ong ba u Superintendent Excise jong ka District u la kular ban shim khia iakane ka mat ba kumno kumno hapoh 1taiew.
Naka liang ka office jong ka Excise kin pynbeit iakane ka kam bad naka liang u Khrawpyrkhat Thongni u la ong ba lada kim lah ban pynbeit iakane hapoh shi taiew naka liang ka Seng kan sahi leit khang hi iakatei ka Dukan Wine Store jong u tei u bar jylla kaba don ha 13mer ha Byrnihat.
