Shillong, Lber 29: Ki pulit jong ka East Khasi Hills District ha dien bala ioh ia ka jingujor na bun ki riew paidbah ba ki don ki riew die met ha ki bynta bapher bapher jong kane ka nongbah Shillong bad kane kala pynsaphriang sted ia ka jingkiew jingpang Niangkulia khamtam ha nongbah Shillong.
Halor kane ka jingujor ki pulit ha ka 28/Lber/2026 kila pynlong ia ka jingkhynra ha ki bynta jong ka Khyndai Lad Pegasus Hotel bad Presbyterian English Service Church mar pyrshah ka SBI Main Branch, Shillong, pyrshah ka ophis jong ka MBOSE office, Lachumiere, Shillong, bad ha IGP Point.
Ka kynhun pulit kaba la ialam da u bah Ivan Diengdoh MPS Add SP, la synran lang da ka kong Joyti Wahlang, MPS DYSP WCC, OC Sadar Police Station,Shillong, ka OC Women PS, OC Laitumkrah PS bad ki ophisar ka tnad pulit na East Khasi Hills District.
Ha kane ka jingkhynra kila ioh ban kem 16 ngut ki briew na ki jaka bapher bapher kiba sub aba ki don kti ha ki kam die met ka kam kaba isait met bad na kine kiba la ioh kem saw ngut ki dei ki nongsuh syntiew ba ioh bainong da kaba pynkren ba leh ia kine ki kam sniew.
Ha kane ka jingkhynra ki pulit kila iohban kurup kawei ka kaliDzire bad ar tylli ki scotty kiba la pyndon kam ban leh ia ki kam sniew na kitei kiba shah kynnoh bad ki pulit kila register ia ka mutkot duma No. 119(03)2026 U/S 4/5/7/8 I.T.P.A r/w Section 110 Meghalaya Police Act pyrshah ia kitei ki briew.
