Shillong, Iaiong 1: Ha ka jingialang jong ka kabinet kaba la long mynta ka sngi 1/Iaiong/2026 kila shim katto katne tylli ki rai, ha kane ka jingialang la shim iaka rai ban pynhiar iaka khajna jong ka Methane gas na ka 14.5% jong ka Value Added Tax la pynhiar sha ka 5%.
Haba kren ha ki lad pathai khubor hadien ka jingialang jong ka kabinet u myntri rangbah ka jylla u Conrad K Sangma ula ong ba kane ka jingpynduna ia ka VAT bad kalong ban khring iaki kynhun bapher bapher ba kin wan ban sdang ban pynmih ia kane ka Methane gas ha kane ka jylla
Ha kane ka jingialang ka kabinet kala shim iaka rai ban pyntreikam iaka Meghalaya Non-Government School, Colleges, Employees, Centralised Provident Fund Schemes 2026, kumba iatip paidbah ba ki don shibun ki skul bad ki kolej ki bym dei jong ki sorkar, hyrei ka sorkar ka ai jingiarap iaki ha kaba kam don kano kano ka kyndon, hynrei mynta ka sngi ka kabinet kala pdiang ia katei ka kyndon kaba ki nonghikai mynta kin ioh iaka jingmytoi jong ka provident fund.
Kawei pat ka rai ka long na ka bynta kito kiba la trei slem tangba kim pat dei ki nongtrei ba pura hynrei lah ban pynkynmaw ba ka sorkar kala ai ka jingithuh ia ki ba shipor kum ki nongtrei sorkar kiba ha shwa u snem 2007 hynrei kala don ka jingwit haba kila shong thait na ka kam, ka ophis jong u Accountant General ka buh ka jingkylli la yn siew ia ka bai bam tymmen haka kam kaba u trei mynshwa ne ha ka kam kaba ula shah kyntiew kyrdan.
Ban pynbeit ia kane ka kabinet kala shim ia kane ka rai ban ithuh kum ki nongtrei sorkar khamtam ia kito kiba shah kyntiew kyrdan katkum ki kyndon treikam jong ka tnad sorkar kaba u ne ka ki trei, bad kane ka dei ka jingiarap kaba kyrpang ka ban long tang shisien khnang ba kito ba trei shipor, hynrei kiba la ithuh noh kum ki nongtrei ba pura ka sorkar kin ioh ia ka tulop jong ki kumba ka long, nalor kitei kidon ruh kiwei kiwei ki rai kaba ka kabinet ka la shim ia ka rai kaba la long mynta ka sngi.
