Shillong, Iaiong 01: Mynta ka sngi u bah Vivek Syiem Superintendent ki pulit ka East Khasi Hills District u la ong ba ki pulit ha dien ka jingtohkit kaba la neh hynriew bnai halor ka jinglap ia ka met u khynnah ba dang 7 snem na Mawpat ki pulit kila ioh ban kem ia u wei u briew u bala tip kyrteng kum u Kandy Khongsit 32 snem ka rta.
Lah ban pynkynmaw ba ki pulit kila ioh ia ka jingujor halor ka jingjah jong u khynnah ba Kum Myrboh Nongrah ha ka 9/Risaw/2025 ha ka por noh phai sngi ba u khynnah u la kah na iing bad ki pulit kila pynlong ia ka jingthwet khlem da pynslem hynrei khlem lap ia u khynnah.
Ha ka sngi kaba bud la lap na khlaw Mawpat bad ki pulit la pynlong ia ka jingtohkit ha kaba kila thaw ia ka kynhun tohkit kaba kyrpang ha kaba kila pynlong ia ka jingtohkit kaba bniah ia kane ka kam bad namar bym biang ki sakhi satar kala buh ia ki pulit ha ka jingeh.
Ha kane ka jingtohkit kaba la neh hynriew bnai da kaba pyndon kam ia ki stad sain kaba mynta bad ki skhi ryngkat ki sabut bad ki pulit kila lah ban lap ia u briew u ba kila suba bad kila tip kyrteng kum u Kandy Khongsit 32 snem ka srta ba ki iatihuh ithaw bha ha iing ka snem jong u ba khlad namar u juh leit juh wan.
Ha ka jigntohkit la shem ba u khynnah u la leit sha iing jong u ba shah kynnoh ha dien bala dep ban bam ja bad ha katei ka por u bala shah kynnoh u la ksih ia u khynnah bad ha dien kata la thep ia ka met ha ka pla plastic bad na ka met ym shym don kano kano ka jingleh beijot, ka jingtohkit ka dang iaid la don ne em sha kiba kiba don kti.
