Shillong, Iaiong 02: ka surok ba thymmai ha Umiam la dep ban shna kaba sah mynta ka long sa tangba ka sorkar kan plie noh ba ki kali kin ioh ban iaid noh na kane ka surok thymmai, ia kane ka surok la shna najan jaka pump um ki Shipai Rangment bad ka surok ka rung sha wah Umiam bad mih sha Iewdam ha Ri Bhoi District la dep lut baroh naduh ka jingsiang rong bad kaba sah mynta ka long sa tang ban plie.
Kaba sah mynta ka long ba ka sorkar kan plie noh ia kane ka surok namar la dep ban pynbiang kaba sah mynta ka long sa tang ban draw ia u line ba lieh narud jong ka surok ia kaba ki dang ia trei haduh mynta ka sngi ka 2/Iaiong/2026 ban pyndep ia kane ka surok.
Ka jingshna ia kane ka surok ka long ban pynlait ia ki kali ba kin iaid na ka jingkiengdam kaba la sator bad ynda la plie ia kane ka surok baroh ki kali naduh ki kali rit ki bus bad ki trok ban rung sha Shillong bad ban leit sha kiwei ki jaka kin iaid na kane ka surok kaba la dep ban shna.
Ka jingplie ia kane ka surok kaba thymmai kan nym slem shuh iathuh kiba trei bad ynda la plie ki bus kiba ieng mynta ha Umiam kin ioh ban kiew noh sha ISBT ha Mawiong rim bad ki kali kit marbam sha Shillong ki la lah ban iaid na kane ka surok bad ia ki kali yn nym shah shuh ba kin iaid na ka jingkieng dam kaba mynta.
