Shillong, Iaiong 04: Mynta ka sngi u bah Sanbor Shullai myntri ka sorkar jylla ba dei ruh u MLA jong ka 19-Shillong South Assembly Constituency mynta ka sngi u la plie ia ka surok kaba la shna na dien jong ka Arunachal Bhavan ha ha ka jingiadon lang ki heh ka PWD bad ki shipai.
Haba kren ha kane ka jingialang ban plie ia kane ka surok u myntri ka sorkar jylla u bah Sanbor u la ong, da ka jinglah ban plie kane ka surok kan iarap ban pynduna ia ka jingdheng kali da khatsan persent ei ei ha kane ka jaka kaba juh sakut kali ha thian Anjalee Petrol Pump.
La ong ba kane ka surok ka dei kaba don kam bha namar ka ia kynduh bad ka surok ba lah ban iaid saw tylli ki kali, kata naduh Barik ter ter sha Umsherpi Uppert Shillong bad kane ka surok ka poi sha Dawki bad kiwei ki bynta ba kongsan ka jylla.
La ong ynda la lah ban pyndep ia kane ka surok kan kham pynbha ia ka leit ka wan lyngba kane ka surok bad ka Bangladesh, kam pynsuk ia ka leit ka wan jong ki nongwan jngohkai pyrthei bad ha ka juh ka kan kyntiew ia ki kam shangsuwari ha kane ka thain.
Kane ka surok kan iarap ruh ban pynsuk ha ka kit ka bah bad kan kyntiew ia ka khaii pateng bad kane kan wanrah ia ka jingiajan ha pdeng ki briew ka Ri India bad ka Bangladesh da ka jingialeit ia wan. Kane ka surok Shillong Dawki kan pynduna da 10 km na ka surok kaba mynshuwa.
