Shillong, Iaiong 06: ka skul bah North Eastern Hill University kala pynlong ia ka jingiasei nia kumna ba seng ia ki kam kiba thymmai ia kaba la pyniaid da ka IIT Guwahati.
Baroh kiba la wan ai ai ia ki jingmut kiba thymmai kumno nan seng ia ki kam ki jam kila kot sha ka 953 tylli, lyngba ka skhim “Establish, Develop and Manage Entrepreneurship Development Centres”,kiba la shah ban poi sha ka thop kiba long ki rukom pyrklhat thymmai ha ka rukom seng kam na 150 tylli kila poi sha ka jingshah jied.
Na kine ki 30 tylli kaba la shah jied na East Khasi Hills ka dei jong ka kong Roshni Kharshiiing nong seng ia ka Umsoh Rush bad mynta kala shah jied ban ioh san lak tyngka ban sdang ia kane ka kam kaba thymmai ia kane la pynbna ha ka taiew kaba la dep.
Ia kane ka jingpyrkhat kumno ban wanrah ia ki rukom seng kam thymmai la pynlong da ka skul bah NEHU lyngba ka Entrepreneurship Development Centre, North Eastern Hill University bad mynta ia ki rukom seng kam thymmai la lah ban pyniaid iew.
Ka kong Roshni kala wan ban ia shim bynta ha ka 14/Nailar/ 2024 kaba la pynlong da ka NEHU ia ka rukom pyrkhat ban seng kam thymmai bad ha kane ka jinghikai ka jingkren jong u Prof. Dinesh Bhatia, Head, EDC, NEHU kala ktah ia ka kong Roshini bad kala pynwan dur kumno ban seng ia ka kam shna umsoh na ki soh kiba mih bad sohmenken.
Ka Kong Roshni kala ia shim bynta ha ka jingiakop kaba la long ha IC JNC ha Boko Assam bad kala poi sha ka khynun jong ki 50ngut kiba la shah jied ban ioh ia kane ka jingiarap ban seng kam bad ha u snem 2025 kala shah jied ruh ban pyninam ha ka jingialang jong ka BRICS ha Assam.
Kane ka jingpynmih ia ka Umsoh na ki soh ka kong Roshni kala shah jied ruh ban ia shim bynta ha ka Tribal Business Conclave, ka long Roshini kala pynpaw ia ka jingsngewnguh ia kane ka jingshah jied ka jong ka ha kane ka rukom pyrkhat seng kam thymmai ia ka NEHU bad IIT Giwahati. Ka Rush kam dei tang ba ka dei ka rukom seng kam thymmai hynrei ka dei ruh kaba iarap ia ki nongrep ha kane ka jylla.
