Shillong, Iaiong 06: Ka party BJP kala pynpaw ia ka jingsngew kmen ban iohi ba u MLA jong ka party u Bah Alexander Laloo Hek u la shah pynkup burom haka Alliance of Intelectual Minds and Statesmen da ka khusnam Democratic Leadership Award 2026.
La ai ia kane ka khusnam sha u MLA ka BJP halor ka Nongrim ba u la noh syniang sha ka shynshar paidbah ban aiti ia lade ban trei na ka bynta ban kyntiew ia la ka jong ka ri kum u wei na ki nongialam.
Ia kane ka khusnam la ai ha ka jingalang kaba la long dangshen ha nongbah Delhi ha Constitutional Club, kane ka kren shai ba ki kam jong u bah Alexander u la trei na ka bynta ban kyntiew ia ki paidbah ha kine ki 30 snem jong ka jinglong nongmih khmat paidbah.
Kam long phylla shuh ba ki paidbah kila jied ia u kum u nongmih khmat namar kikam kiba u la trei, ha katei ka sngi ka AIMS kala pynkup burom ruh ia kiwei kiwei ki riew pawkhmat na kiwei kiwei ki bynta trei kam ruh kumjuh bad kane kala ai mynsiem ia ki briew jong ka party ban trei shitom.
