Shillong, Iaiong 10: Haka sien kaba nyngkong la pynlong iaka Inter Sports Meet ha Tyrso Ri Bhoi District, iakane 1st ka Inter sports meet 2026 la pyniaid daka Tyrso Cluster CRC ha Madan Tyrso, hakane ka inter sports meet la wan ban ia shim bynta haduh 20 tylli ki skul kiba don hapoh ka thain Tyrso, bad kaba la sdang naduh mynin ka sngi kata ka 9tarik u Iaiong bad la pynkut noh mynta ka sngi ka 10tarik u iaiong 2026.Hakine 2 sngi la shim bynta shitrhem daki khynnah jong ki 20 tylli ki skul haki jingiakop bapher bapher kiba kynthup naduh ki jingiamreh relay, ka high jump, long jump, ka Match Pass, ka Mass dril lem bad kiwei kiwei ki jingiakop.
Hakane ka sngi pynkut la pynphuh pynphieng daka jingiaid Match Pass daki skul bapher bapher bad ka jingshad mass dril haki riam kiba i tynnad bad kaba pynshoh biej iaki paidbah nongpeitkai.
La wan ban pynhap lama da u MLA ka Mawhati Constituency u Bah Charles Marngar kum u kongsan haka jingiadonlang u BMC jong ka Bhoirymbong u Bah Alfred Iawphnianw kum u Symbud Kongsan nangta ki nongialam shnong bapher bapher ki nonghikai skul lem bad ki spah ngut ki paibah kiba la wan sakhi hakane ka sngi pynkut iaka 1st Inter Sports Meet Tyrso Cluster CRC.
Naka liang ka Tyrso Cluster CRC kila sam daki khusam sha ki nongjop haki jingiakop bapher bapher.
