New Delhi, April 13: ka National Cadet Corps la sdang ia ka jinghikai ha ka ri baroh kawei ki samla kiba don ha katei ka kynhun ban iada na ka jingma bad ki kam sniew kiba mih na ka Internet, kane ka jinghikai ka long ba kin tip kumno ban iada lada ngat.
Ia kane ka jinghikai la pynlong da ka jingiatreilang bad ka National Institute of Electronics and Information Technology (NIELIT) kane ka jinghikai ka long kumno ban sngewthuh ha kaba ia dei bad kane ka jingma, ban pyntrei ia kane la ia soi ia ka soskular ha pdeng ka NCC bad ka NIELIT ha ka jingdon lang u Director General ka NCC, Lt Gen Virendra Vats bad Director General ka NIELIT, Dr Madan Mohan Tripathi.
Ia kane ka jingai jinghikai ban iada na ki kam runar kiba mih lyngba ki internet ka long ha ki ar bynta, ka jinghikai online kaba 15 kynta ka long bakin sngewthuh tang ia ka phang pdeng kumno ka trei kam ia ka jingtip, kumno ban pyndon kam ia ka internet ban shngian, ka jingkhuid ha ka internet bad ban tip ia ki jingma kiba mih ha kane la bynta la shah ia baroh ki dkhot ka NCC ha ka ri baroh kawei ba kin pynrung kyrteng lyngba ka NIELIT Digital University platform.
Ka bynta kaba ar Jongh ka jinghikai ka long ban kumno ban iada bad kane ka jinghikai kan long 60 kynta kaba ki hap ban don ha ki jaka hikai bad ia kane ki hap ban jied mano ban ioh rung ha kane ka jinghikai namar hangne kin ioh ban ktah ia ki tiar kaba kin pyndon kam ban iada na ka ki jingma na ka internet.
Kane ka long ban wanrah ia ka kynhun jong ki dkhot ka NCC ha kaba kin sa long ki nongai jingpynshai sha kiwei ban kyntiew kumno ban shngain ban iada ha kaba pyndon kam ia ka internet bad ia kane yn ia treilang bad ka Digital India and the National Skills Qualification Framework (NSQF).
