Shillong, Iaiong 20: Ka jingiakynduh lang jong ki rangbah ka balang Katholik jong ka Archdiocese ka jylla Niam Bah Shillong ka kynhun kaba hynriew kala long ha parish Nongpoh ha kaba palat hajar ngut ki riew rangbah kila ia poi sha kane ka jingiakynduh lang kaba shisien shisnem.
Ha ka jinglehniam ia ka mass bakhuid la ialam da u Arch Bishap Rev. Victore Lyngdoh ha ka jingiadon lang ki Lyngdoh sohblei, ban pyndep ia ka niam ka rukom bad ki nongkit kam jong ka balang, ki riew rangbah na ki parish bapher bapher kila pynphuh ia kane ka sngi.
Haba kren ha ki rangbah jong ka balang u Arch Bishop Victor Lyngdoh la ong ba kum kpa ka long ban pyndap ia ka iing ka sem, ban ai ka jingieit ka jingshngian, ka iing ka don kam bha ia ki rangbah katne phi ia poi katno ka jingkhlain ka long iing long sem.
Ha ka balang phi dei ki rangbah phi treikam bad ka balang ban kit ban bahlang ia ki kam jong ka balang, ban pynbha pynmiat ia ki briew baroh ban ieit ia u blei bad ban shakri ia u blei, kum ki rangbah kiba shakri ruh ia ka jaidbynriew.
U Arch Bishop la ong ba kam long kaba suk, hynrei haba khlain ki rangbah ka imlang sah lang ruh ka shngian, haba synjor ki rangbah synjor, synjor ruh ka imlang sahlang, duwai ba ka jylla kan khlain ba ki nong ialam kiba don ka jingkitkhlieh, kum ka balang ka kitbok kitrywiang bad kin ioh ia ka jingkoit jingkhiah.
Na liang jong u Arch Bishop u la kyntu ia ki rangbah ba kin long kiba pynryntih ia lade la ka long ha kano kano ka bynta, haba ki rangbah ki long ryntih baroh ki briew ki burom bad ki niew ia ki rangbah don jingkitkhlieh bad kiba iaid ryntih.
