Tura, Nohprah 11: Mynta ka sngi ha ka por kumba 7.30 baje mynstep u wei u nongtrei jong ka Tura Municipal Board katba u dang leit ban bret ia ki niut ha kawei jaka theh kaba don ha syndah jong ka Tura Super Market u la ioh sngew ia ka jingriew kaba kham khylla bad haba u la peit la lap pynban da dei da u bom ba la tuh ia ka por.
Ha kaba ia dei bad kane ka jingjia mar mar la pyntip sha ki pulit jong ka Tura ha kaba ki la leit ban shim ia u tei u bom na katei ka jaka bad ki la lah ban pyntip ia u ha ka rukom kaba dei da kane ka jinglap biang por ka la pynlait ia ka nongbah Tura na ka jingiap briew.
Katkum ki jingtip kiba la ioh na Tura la ong ba ki briew kiba leh ia kane ka kam I mat ki la mang ba une u bom u ba la buh da ka por ki la mang ba un bethei ha ka por ba ka iew ka la sdang ban bun briew namar ka dei ha syndah jong ka iew. Kane ka jaka ka dei ka jaka kaba bun briew eh ha Tura.
Na ka liang jong ki pulit ki dang tohkit ha kaba ia dei bad kane ka jingjia namar ki kwah ban tip mano ba la leh ia kane ka kam.(SP News)
