Shillong,Rymphang,12: U bah Titos W Chyne u kyrtong ka UDP na Sohra konstitwensi u la ong ba ka thong kaba u la mih biang sa shisien ban ia khun hi da lade ha kane ka elekshon MDC 2014 ka dei namar ba u kwah ba ka seng riewlum kan ioh bun paid bad kan bat ia ka bor synshar ha KHADC.
U tei u MLA u la ong ba kumba ka long mynta ka sorkar Congress kam peit ia ki jingeh jong ki trai jylla ki ba ia kynduh ia ki jingeh man la ka por halor ka jingwan rung khyrthlep ki mynder ri sha kane ka jylla ka jingshah klun ki khyndew ki shyiap ha ki shipai ne ban shim khia ia ka jingpynbeit ia u pud u sam ha ka jylla kaba la ktah shisha ia ki trai muluk.
Shuh shuh u la ong ba lyngba ka KHADC ka lah ruh ban wanrah biang ia ki riti dustur kaba khlain bad ban aibor ia ki Hima ban pynkhlain ha ka synshar khadar ha ka bor synshar.
” Ka jingpynlong ia ka Monolith Festival ka dei kaba nyngkongeh ha ri khasi ban pyni sha ka pyrthei ia ka jingriewspah jong ki khasi ha ki riti dustur , Lada ki party riewlum ki ioh ban wan ha ka bor synshar ha District Council kin wan rah ruh ia ka motion ka khasi protection Area permit” ong u bah Titos MLA u ba dei ruh u MDC jong ka Sohra.(SP News)
