Shillong, Nailur 11: U Deputy Commissioner jong ka East Khasi Hills District u Abhilash Baranwal IAS, mynta ka sngi u la pynbna ban pyntreikam ia ka rule, “The Noise Pollution (Regulations and Control) Rules, 2000 hapoh ki kyndon 5,7 bad 8.
Katkum kane ka jingpynbna kaba la pynmih mynta ka sngi u Deputy Commissioner ka East Khasi Hills District la bthah ia ka Meghalaya State Pollution Control Board ban peit bniah ia ki jingtem pynsaw ha GS Road bad ki jaka iew kim dei ban palat ia ki kyndon bad lada don dei ban pynshitom katkum ka ain ha ka kyndon kaba 15 jong ka Envioirment Protection Act, 1986 bad katkum ka The Noise Pollution (Regulations and Control) Rules, 2000.
Lada don kiba pynkhien ia kitei ki kyndon yn pynshitom katkum ka kyndon 223 jong ka BNSS bad ka kyndon kaba 15 jong ka Envioirment Protection Act, 1986, ia kane ka hukum la pynjari naduh mynta ka sngi bad kane kan trei kam noh mardor.
U Deputy Commissioner u la ong ba la ioh jingtip ba kila don shibun ki nongtem nongrwai ha ki rud lynti kiba la pyndon kam ia ki tyngdong jingpynsawa kiba bun jaid bad kane kala pynmih ia ka jingpynsawa kaba la long palat bad kane ka pynkhein ia ki kyndon jong ka NGT katkum ka Noise Pollution (Regulations and Control) Rules.
Katkum ka bor kaba la pynkup ha u ha ka Noise Pollution (Regulations and Control) Rules, 2000, kumta la khang ban pyndon kam ia ki tyndong jingpynsawa kiba pynmihia ka sur kaba jam bad la khang pyrshah ba kin tem ha GS Road bad ki jaka iaid ha ki iew bad la ai jingmut ban pyndon kam ia ki jingtem byn pyndon kam bor jong ka light bad dei ban wat ka jaka ba kin tem na ka bynta jong ki lada don.
