Jowai, Nailur, 19: katkum ka bhah kaba la mang da ka sorkar pdeng ka jingsam ia u khaw ration sha ki long iing kiba don ia ki kard ration, ka AAY, PHH bad ka Non-NFSA ka dei ban ioh ia u khaw katkum ka bhah kaba la mang na ka bynta jong ki.
Ka tnad sam bam jong ka sorkar pdeng ka dang pynneh ia ka juh ka bhah na ka bynta kito kiba don ia ki kard kiba la sam sha ki long iing katkum ka kyrdan ka jong ki, kiba don ia ka kard Antyodaya Anna Yojna , ka bhah ka long 35 kilo kawei ka kard bad kidei ban ioh ei ia u khaw.
Kiba don ia ka kard Priority Household kin ioh san kilo shi khlieh briew katba kiba don kyrteng ha ka kard ration bad kane ka dei ban long solansar ia baroh, kito kiba don ia ka kard Non-NFSA ka jingsam ia u khaw na ka bynta jong ki kan long 7.105 kilo u khaw bad ka dor kamd ei ban long palat ia ka T.14/- tyngka shikilo.
La bthah ia ki sorkar jylla bad ki dei ban pyntip paidbah ia kane ka rukom sam ia u khaw ration sha ki paidbah bad ha man la ki jaka da don ki dukan ration dei ban don ruh ka kommittee ban peitngor kaba la tip kum ka “Vigilance Committee” ban pynthikna ba kan nym don ka jingpyndon kam bakla ia u khaw.
