Shillong, Nailur 19: U Myntri Rangbah ka jylla Meghalaya, u Conrad K. Sangma u la leit ban ia shim bynta ha ka jingialang jong ka myntri pla pisa ki sorkar jylla bad ki sikretari ba dei na ka tnad pla spisa ki sorkar jylla.
Kane ka jingialang kaba la khot da ka myntri pla pisa ka sorkar pdeng Nirmala Sitharaman bad ka phang pdeng jong kane ka jingialang kalong “Financing India’s Journey towards Viksit Bharat” ia kane ka jingialang la pynlong ha Bharat Mandapam, New Delhi.
Ha kane ka jingialang la ia kren shaphang ka jingpynshkhem iaka pla tyngka ki paidbah, ka lad pynmih pisa thymmai, ka rep ka riang, jingpynkylla iaka rukom ai bording, teknoloji bad ka rukom thew iaka jingroi lyngba ka GSDP kaba long kaba donkam tam na ka bynta ka ioh ka kot jong ka jylla Meghalaya.
Lyngba ka Mission 10, ka jylla Meghalaya ka dang pynleit jingmut ha kaban pynkylla iaki phang ba kongsan, lem bad ka jingthmu ban pynmih iaki lad, pynskhem iaki jingtei, kyrshan iaki longiing longsem ban im ja kpoh bad kiwei kiwei bad ban tei iaka ioh ka kot kaba lah ban iai neh.
Katba ka sorkar ka dang treikam ban iohih jngai na ka bynta ka Meghalaya ha u 2032, ki rynsan kiba kum kine ki pynioh iaka lad ban peit nuksa na kiwei pat ki jylla, iatreilang bad ki riewtbit bad ban tip kham bniah shaphang ka jingpynroi iaka ioh ka kot.
Ka long ka jingsngew nguh iaka Myntri ka mang pisa tyngka jong ka sorkar pdeng, ka Nirmala Sitharaman bad baroh ki nongkren bad ki nongiashim bynta na ka bynta ha kane ka jingialang.
