Shillong, Rymphang 18: Bun na ki jylla ha kane ka Ri India ki dang bun kam ban pynkhreh ia ka jingialang paidbah jong u kyrtong myntri rangbah duh jong ka Ri, u Narendra Modi, ka BJP ha kane ka jylla Meghalaya ruh ka kwah ban un wan ban pynlong ia ka jingialang paidbah ha kane ka jylla.
Kumba ka long mynta baroh ki bynta jong ka Ri India ki kwah ba u tei u kyrtong myntri rangbah duh jong ka seng BJP un poi sha ki jylla bapher bapher ban pynlong ia ka jingialang paidbah bad ki paidbah ruh ki kwah ban iohi ia une u nongialam ba rat jong ka Ri India.
Na ka liang jong ka BJP na kane ka jylla Meghalaya ki la dep ban phah ia ka jingtip sha ki nongialam jong ka seng kiba ha khlieh duh ba ki kwah ban wan u Modi sha kane ka jylla ban pynlong ia ka jingialang paidbah.
Ki nongialam jong ka seng BJP na kane ka jylla ki don ka jingkyrmen ba une u nongialam ba rat bah jong ka seng yn wan sha kane ka jylla bad ban pynlong ia ka jingialang ha dien ba la pynbna ia ka election sha ka iing dorbar jong ka Ri India ka Lok Sabha.SP News)
