Shillong, Risaw 03: Mynta ka sngi ka sorkar Meghalaya kala ioh iaka jingpyntip na ka tnad kam pohiing ka sorkar pdeng ba iaka jingwan u Myntri kam pohiing, u Amit Shah sha Meghalaya la buh teng noh shwa.
Ha kane ka jingphah jingtip ym shym la ai kano kano ka daw hynrei la pyntip na ki daw ki bym lah kiar, katkum ka jingpynkhreh ban wan u Myntri kam pohiing ka sorkar pdeng sha Meghalaya ka long ba un wan ai iaka President’s Colour sha ka tnad pulit ka jylla Meghalaya.
Na ka liang ka sorkar jylla kala pynkhreh ban don kane ka jingleh burom ha madan Polo bad na ka liang jong ki bor District Administration, la pynmih ruh iaka jingmaham ban nym pynher drone 3 km sawdong na katei ka jaka.
