Shillong, Risaw 03: Mynta ka sngi, ha ka jingialehkai kynjat bol ha madan ha ka lympung SSA ka Nongkseh kala ioh iaka lad ban long kum ka namjop ha ka Shillong Premier League 2026 hadien ba kala pynrem pyrshah iaka Laitkor da 3-1.
Ha katei ka jingialehkai, u Hardy Cliff Nongbri u la ioh thep iaka kol ha ka minit ba 55, katba u Dawanchwa Challam (81’) bad u Shano Tariang (90’+5) na ka bynta ka Nongkseh bad iaka Laitkor, la ioh thep kol da u Shelbilkstar Kharshilot (87’).
La ong ba ka Nongkseh kala iohrung ha ka third place da 16 point. Kane ka pynlong ba kan ia draw bad ka kynhun iakynjat bol ba pawnam, ka Langsning hynrei ka Nongkseh ka iapher ka jingthep kol da 12 iaka +10, ha kaba kine ki kynhun ia kynjat bol kan sa iakhun ha ka 10 tarik, Risaw.
Ha ka shiteng samoi jong ka jingialehkai, dei ha ka minit ba 10 ba u Mebankhraw Wahlang u la ioh ban mih bad head iaka bol da ka khlieh, katba katei ka bol, kala blok hynrei u Hardy u la trei shitom ban ioh iaka bol. La ong ba u kapten ka Nongkseh mynta u la kamai 6 tylli ki kol, kaba pynlong ia u uwei na ki nongialehkai ba wan ha ka kyrdan ba nyngkong.
Ha ka minit ba 10 ka Laitkor kam shym la ioh thep wat ar kol hadien ba ar ngut na kine ki nongia kynjat bol kila takhuh para ma ki katba ki dang beh ban ioh iaka kol. Dei ha kane ka por ba u Hardy u la ioh lad ban kynjat iaka bol bad pass sha u Skilful Tariang, uba la wan tang kum u substitute da ki sekon. Hadien katei, u la ioh rah iaka bol hynrei la shah blok haba u la ioh lai sien iaka bol, dei na ka jingdonbok, ka bol kala poi sha u Dawanchwa, uba la ioh iaka lad ban thep kol kaba dei ka kol ba ap da u nongap kol ka Laitkor, u Hukumskhem Marbaniang.
Katba ka jingialehkai ban dang wan kan long ha ka sngi ba ar hadpeng ka Nangkiew Irat kaba wan ha ka kyrdan ba phra jong ka jingkamai point bad ka Meghalaya Police ha ka kyrdan ba 10 ha ka jingioh kamai point ha ka por 3 baje janmiet. Ka Nangkiew Irat ka don ha ka jaka syier lada kam lah ban poi ha ka kyrdan ba 6, ha kaba kan sa ioh knieh ban ioh ialehkai ha ka SSA Super Cup kaban sa wan.
