Ampati, Risaw 09: Ki pulit jong ka South West Garo Hills District kila kyrpad sha ki paidbah na ka bynta ka jingioh jingtip shaphang kawei ka riew kynthei ba la don 29 snem ka rta kaba la jah na ka shnong Saka Boldamgre naduh ka 4 tarik Risaw.
Katei ka briew ba jah kaba la tip kyrteng ka Tangchira S. Sangma, ba dei ka kurim jong u Lopin Ch. Sangma, la ong ba ha ka 4 tarik Risaw kala jah ha ka por 10.15 baje mynstep. Watla ka jingtrei shitom na ka liang jong ki bahaiing ha sem jong ka bad ki pulit, hynrei ym shym la lap iaka.
Ia katei ka jingjah rngai, la dep registar da ka ejahar ha Damalgre Police Station vide Case No. 12/2026 hapoh ka kyndon jong ka Section 140(3) jong ka Bharatiya Nyaya Sanhita (BNS).
Katba ki pulit kila kyrpad iaki paidbah ba lada ioh jingtip shaphang jong kane ka briew, kan long ka jingiarap ban lap ksai iaka bad kin sngewbha ban phone ha kine ki nombar 8732849310 lane 6009308852, lane email sp.swgh-meg@nic.in.
Na ka liang jong ki pulit kane ka District kila kyrpad iaki paidbah ban iatreilang ryngkat ban wad ia kane ka briew ba jah.
